|
Skrifað af Elka
|
|
sunnudagur, 16 desember 2007 |
|
Á laugardaginn komu fyrstu hrossin inní nýja hesthúsið á Borg. 21. september var byrjað á því að skipta um þak á þessum ágæta húskofa sem ekki var uppá marga fiska. Þetta hús brann fyrir mörgum árum síðan en útveggirnir stóðu þó eftir. Töluverðar endurbætur hafa því verið gerðar á þessum rúmu tveimur og hálfum mánuði frá því fyrsta verk hófst. Í tilefni af þessum fyrsta áfanga í framkvæmdum á Borg var boðið uppá veitingar á laugardaginn þegar fyrsti hesturinn steig í húsið en það var að sjálfsögðu stoltið okkar hann Hrannar frá Þorlákshöfn.. Margir eiga hlut í þessu hesthúsi með vinnuframlagi af ýmsu tagi, minningarnar margar og útrúlegt að standa inní þessu húsi núna miðað við þær rústir sem horft var í í upphafi. Við viljum koma á framfæri þakklæti til allra þeirra sem hönd lögðu á plóginn og þeirra sem komu og fögnuðu með okkur á laugardaginn. Núna verður dustað rykið af hnakknum og ekki ólíklegt að heyra hófadyn á bökkum Hólsár á næstu dögum. Fyrir alla hina sem komu ekki á laugardaginn þá er velkomið að kíkja á hesthúsið og aldrei að vita nema einhverjar "dollur" séu eftir.
Jói, Birna (mamma Elku) og Elka að gera klárt fyrir ferfætlinga og tvífætlinga.
Reiðhöllin er næsta verkefni. Húsið er 14,5 x 56 metrar.
Hinni teymir Hrannar í húsið,
Jú jú, ætli þetta sé ekki nógu gott fyrir hann! Þó sómahjón í Árbakka eiga hlut í Hrannari.
Horft meðfram reiðhöllinni. Komnir staurar fyrir gerði hægra megin.
Hinni, Jói og Elka
Soldið um veitingar
|
|
Síðast uppfært ( mánudagur, 07 apríl 2008 )
|
